Çatdırılma, dəyişdirmə və qaytarma

Çatdırılma

Növ	Ərazi	Müddət	Qiymət
Sürətli çatdırılma	Bakı şəhəri	Sifariş günü (saat 16:00-a qədər verilən sifarişlər)	5 ₼
Standart çatdırılma	Bakı və Abşeron	1–2 iş günü	Pulsuz
Rayonlara	Azərbaycanın bütün rayonları	Azərpoçt ilə 3 günə	Poçt tarifi ilə (zəngdə dəqiqləşdirilir)

Hər sifariş göndərilməzdən əvvəl telefonla təsdiqlənir. Təsdiqlənməyən sifariş göndərilmir.
Kuryer çatmazdan 30–60 dəqiqə əvvəl zəng edir. Ünvanda olmasanız, çatdırılma növbəti günə keçirilir.
Rayon göndərişləri Azərpoçt vasitəsilə edilir; izləmə nömrəsi WhatsApp-a göndərilir.
Bayram və qeyri-iş günlərində müddətlər 1–2 gün uzana bilər.

Qapıda ödəniş

Bütün sifarişlər qapıda nağd ödənişlə edilir. Öncədən heç bir ödəniş, beh və ya kart məlumatı tələb olunmur.

Yoxlama hüququ: paketi kuryerin yanında açıb məhsulu, sayını və vəziyyətini yoxlaya bilərsiniz. Məhsul təsvirə uyğun deyilsə və ya zədəlidirsə, götürməyib ödəniş etmədən geri qaytarırsınız.

Rayonlarda ödəniş Azərpoçt şöbəsində və ya poçtalyona edilir.

Dəyişdirmə

Məhsulu təhvil aldıqdan sonra 14 gün ərzində dəyişdirə bilərsiniz:

İstehsal qüsuru (torbanın tikişi açılıb, klapan hava saxlamır, cihaz işləmir, tərəzi ölçmür) — pulsuz dəyişdirilir, kuryer köhnəni götürüb yenisini gətirir.
Səhv paket / ölçü gəlibsə — pulsuz dəyişdirilir.
Fikrinizi dəyişmisinizsə — məhsul istifadə olunmayıbsa dəyişdirilir, çatdırılma haqqı (5 ₼) alıcıya aiddir.

Geri qaytarma

Məhsul sizə uyğun gəlmədisə, təhvil aldıqdan sonra 14 gün ərzində geri qaytara bilərsiniz.

Məhsul istifadə olunmamış, tam komplekt və orijinal qablaşdırmada olmalıdır.
Vakum torbaları açılıb istifadə edilibsə (vakumlanıbsa) gigiyenik səbəbdən yalnız istehsal qüsuru halında qaytarılır.
Travel setin qulaq tıxacı istifadədən sonra qaytarılmır.
Qaytarma üçün WhatsApp-a yazın, kuryer məhsulu götürür. Pul 3 iş günü içində qaytarılır.
Fikir dəyişikliyi ilə qaytarmada geri götürmə haqqı 5 ₼-dir; istehsal qüsurunda pulsuzdur.

Zəmanət

Mini jet fan və rəqəmsal tərəzi — 6 ay istehsal qüsuru zəmanəti.
Vakum torbaları — 3 ay tikiş və klapan zəmanəti.
Zəmanət mexaniki zədə, su düşməsi və düzgün olmayan şarj hallarını əhatə etmir.

Məxfilik

Sifariş üçün yalnız ad, telefon və ünvan tələb olunur. Bu məlumatlar yalnız sifarişin çatdırılması və təsdiqi üçün istifadə edilir, üçüncü tərəflərlə paylaşılmır. Kart məlumatı heç vaxt soruşulmur.